एमालेले तनहुँमा खाता खोल्यो, किरण गुरुङ विजयी
दमौली : नेकपा एमालेका मुख्यमन्त्रीका दावेदार स्थायी कमीटी सदस्य किरण गुरुङ तनहुँ प्रतिनिधिसभा अन्तर्गत प्रदेशसभा २ बाट विजयी भएका छन्। सार्वजनिक मतपरिणामअनुसार गुरुङले कुल सदर ३० हजार ५ सय ६० मध्ये १५ हजार ६ सय ३० मत पाएका छन्।
गुरुङका निकटतम प्रतिद्वन्द्वी नेपाली काङ्ग्रेसका संसदीय दलका सचिव ध्रुव वाग्लेले १४ हजार २ सय १४ मत पाए। सुरुदेखि नै कडा प्रतिस्पर्धा देखिएको मतपरिणाममा सुरुमा गुरुङ अनि बीचमा वाग्लेले अग्रता लिएका थिए। गुरुङ १ हजार ४ सय १६ मतान्तरका साथ विजयी भएका छन्।
गुरुङ भानुमतिका स्थानीय हुन् भने वाग्लेको गृह क्षेत्र व्यास नगरपालिका हो।
सुरुदेखि नै मुख्यमन्त्रीको प्रचार गरिएका गुरुङको विजयले उनका लागि ढोका खोले पनि अर्का दावेदार लमजुङका पृथ्वीसुब्बा गुरुङकोसमेत जितले दुईबीच प्रतिस्पर्धा हुने ठानिएको छ।
प्रतिक्रिया दिनुहोस !
