डोटी क्षेत्र १ प्रदेशभा (क)मा कांग्रेस विजयी
डोटी : डोटी क्षेत्र नम्बर १ प्रदेशसभा (क)को मतगणाना सकिएको छ । प्रदेशसभा (क) को अन्तिम मत परिणाम अनुसार नेपाली कांग्रेसका उम्मेदवार भरतबहादुर खड्का विजयी भएका हुन्।
वाम गठबन्धनको तर्फबाट नेकपा एमालेका जिल्ला अध्यक्ष चक्रबहादुर मल्ललाई ६१४ मतअन्तरले पराजित गरेका हुन् । कडा प्रतिस्पर्धा भएको निर्वाचनमा कांग्रेसका खड्काले जम्मा १७ हजार ४०६ मत ल्याएका छन् । उनका निकटतम प्रतिद्वन्द्वी वाम गठबन्धनका उम्मेदवार मल्लले १६ हजार ७ सय ९२ मतप्राप्त गरेका छन् ।
०३९ सालदेखि विभिन्न पदमा रही स्थानीय तहको अनुभव बटुलेका ६० बर्षीय खड्का २०७० सालको संविधान सभाको निर्वाचनमा नेपाली कांंग्रेसबाट समानुपातिक कोटामा सभासद् भएका थिए । पूर्वीचौकी गाउँपालिकाका खिरसैनका स्थानीय खड्कासँग गाविस अध्यक्षदेखिको अनुभव छ । खड्का ०३९ सालमा खिरसैन गाविसको अध्यक्ष, ०४४ सालमा जिल्ला पञ्चायत सभापति, ०४९ सालमा जिल्ला विकास समितिमा उप सभापति भएका थिए ।
प्रतिक्रिया दिनुहोस !
