मेची अञ्चलकी एक मात्र महिला उम्मेदवार खरेल विजयी

दमक  : मेची अञ्चलकै एक मात्र महिला प्रतिनिधिसभा उम्मेद्वार पबित्रा निरौला खरेल निर्वाचित भएकी छिन् । खरेल झापा क्षेत्र नम्बर २ बाट बामगठबन्धका तर्फ बाट निर्र्वाचित भएकी हुन् ।

उनले नेपाली कांग्रेस झापा जिल्ला सभापति उद्धव थापालाई १३ हजार ७ सय ६७ मतान्तरले पराजित गरेकि हुन् । खरेलले ४५ हजार ८ सय १७ मत प्रापत गरिन भने उनका निकटम प्रतिद्वन्द्वी थापाले ३२ हजार ५० मत ल्याए ।

बुवा छबिलाल निरौला र आमा खड्गमाया निरौलाको कोख बाट बिक्रम संबत २०२० साल माघ २० गते झापाको दमक नगरपालिकामा जन्मिएकी खरेलको १५ बर्षको उमेर बाटै राजनीतिक यात्रा सुरु भएको थियो । २०३५ साल देखी बिद्यार्थी राजनिती बाट आफ्नो यात्रा सुरु गरेकी खरेल अन्ततः प्रतिनिधिसभा सदस्यमा निर्वाचीत भएकी छिन् । २०४० सालमा ३ बर्ष जेल जिवन बिताएकी खरेल हाल एमालेको प्रदेश नम्बर एकको सदस्य समेत रहेकी छिन् ।

उनी राष्ट्रिय प्रतिनिधी परिषदकी पुर्व सदस्य समेत हुन् । हाल बिर्तामोड वडा नम्बर ५ मा बस्दै आएकी खरेलको पार्टी भित्र ठुलो योगदान रहेको झापा क्षेत्र नम्बर ५ का ईन्चार्ज होमथापाले बताए । एकदमै साहसी र निडर खरेलको यो जितले महिला आन्दोनका पक्षमा थप बल मिल्ने उनले बताए । महिला प्रत्यक्ष तर्फ उठ्न त्यति आँट नगर्ने गरेको बताउदै थापाले उनले प्रत्यक्षमा जितेर अदम्य साहस देखाएको बताए ।

निर्वाचित भएपछि खरेलले महिलाको लागि काम गर्ने बताएकी छिन् । राजनितीमा महिला अझै पनि साह्रै पछाडि रहेको बताउदै उनीहरु लाई राजनितीक पहुँचमा ल्याउन भुमिका खेल्ने बताईन् । महिला बिशेष गरी राजनितीक , सामाजिक र आर्थिक रुपमा पछि परेको भन्दै अब यसको अन्त्यका लागि योजना बानाएर अघि बढ्ने उनको भनाई छ ।

साथै उनले आफुले जनता संग गरेका सबै प्रतिबद्धता पुरा गर्ने बाचा समेत गरिन् । देशमा अब समृद्धि र विकाश खाँचो रहेको बताउदै जनताको अपेक्षा अनुसारको काम गर्ने बताईन् । उनले झापाको बिर्तामोड मेची अञ्चलकै प्रमुख ब्यापारीक केन्द्र रहेको बताउदै यसको बृहत्तर बिकाश र हितका लागि नया योजनाहरु ल्याउने बताईन् । उनले भनिन्– ‘ म जितले कहिले मात्तिन्न । मेरा जनताले दिनु भएको रायसल्लाह अनुसार नै अघि बढ्नेछु ।’ चुनावी मैदानमा हार र जितको खेल हुने बताउदै उनले आफ्ना प्रतिपक्षी थापासंग समेत बिकाश निर्माणका काममा सहकार्य गरेर अघि बढ्ने बताईन् ।

यसैगरी सोही क्षेत्रको प्रदेश सभा क बाट एमालेका एकराज कार्की २१ हजार २ सय ८४ मतका साथ विजयी भएका छन् भने निकटतम प्रतिद्वन्द्वी नेपाली कांग्रेसका लक्ष्मण खड्काले १२ हजार ७ सय २२ मत ल्याएका छन् ।