घोराही : प्रतिनिधि तथा प्रदेशसभाको प्रत्यक्षतर्फको मतगणना सकिएसँगै दाङमा समानुपातिकतर्फको मत गणना भइरहेको छ । प्रतिनिधि र प्रदेश सभाका गरी ९ सिट मध्ये एकबाहेक वामपन्थी गठबन्धन विजयी भएको अवस्थामा समानुपातिमका पनि एमाले पहिलो भएको छ ।
१ लाख ८ हजार ८ सय ७० मत मतदाता रहेकोमा अहिले सम्म ४९ हजार ६ सय ६८ मत गणना भइसकेको छ । मतगणना अनुसार अहिले सम्म प्रतिनिधि सभामा नेकपा एमालेले १४ हजार ५ सय ५९ मत पाएर पहिलो स्थानमा रहेको छ । १४ हजार ३ सय ८८ मत ल्याएर नेपाली कांग्रेस दोस्रो स्थानमा रहेको छ । तेस्रो स्थानमा रहेको माओवादी केन्द्रले १२ हजार ८ सय ७२ मत ल्याएको छ ।
नयाँ पार्टीका रुपमा रहेको विवेकशील साझा पार्टी दाङमा चौथो स्थानमा रहेको छ । उसले १ हजार ४ सय २६ मत पाएको छ । अन्य दलहरु अझै ३ अंकको वरिपरिनै रहेका छन् ।
प्रदेश सभाको सामानुपातिकतर्फ पनि नेकपा एमालेनै अग्रस्थानमा रहेको छ । एमालेले अहिलेसम्म १४ हजार १ सय ९७ मत ल्याएको छ । १३ हजार ५ सय ८९ मत सहित कांग्रेस दोस्रो स्थानमा छ । तेस्रो स्थानको माओवादीले १२ हजार ३ सय ७२ मत ल्याउँदा साझा विवेकशीलले १ हजार ५५ मत ल्याएको छ ।
प्रतिक्रिया दिनुहोस !
