भक्तपुर १ मा नेमकिपाका प्रेम सुवाल विजयी
भक्तपुर : भक्तपुर क्षेत्र नम्बर १ मा नेपाल मजदुर किसान पार्टी (नेमकिपा)का प्रेम सुवाल विजयी भएका छन्। नेपाली कांग्रेसका बाबुराजा जोशी भन्दा १५ हजार २ सय ५८ मत बढी ल्याएर सुवाल विजयी भएका हुन्।
निर्वाचन कार्यालयले दिएको अन्तिम नतिजा अनुसार विजयी सुवालले ३३ हजार ७६ मत प्राप्त गरेका छन् भने उनका प्रतिद्वन्द्वी कांग्रेसका जोशीले १७ हजार ८ सय १८ मत ल्याएका छन्।
भक्तपुर क्षेत्र नम्बर १ मा वाम गठबन्धनका उम्मेदवार माओवादी केन्द्रका नेता मिलन सुवालले भने १५ हजार ३ सय ७४ मत मात्र पाएका छन्।
प्रतिक्रिया दिनुहोस !
