पर्वतमा झण्डै चार हजार मत बदर
कुश्मा : मंसिर २१ गते सम्पन्न प्रतिनिधिसभा सदस्य र प्रदेश सभा सदस्यको निर्वाचनमा पर्वतमा झण्डै चार हजार मत बदर भएका छन् ।
पहिलो हुनेप्रतिनिधि सभा सदस्य र दोस्रो हुने प्रदेश सभा सदस्यको मतगणनाका क्रममा तीन हजार सात सय सात मत बदर भेटिएका हुन् ।
कुल खसेको मत मध्ये प्रतिनिधि सभा सदस्यमा तीन दशमलब २७ प्रतिशत मत बदर भएको पाइएको छ भने प्रदेश सभा सदस्य पर्वत क्षेत्र नं. १ मा मा १ दशमलब ६ प्रतिशत र प्रदेश नम्वर २ मा दुई दशमलब ६ प्रतिशत मत बदर भएका हुन् । दुवै क्षेत्रमा गरी खसेका ६९ हजार ८ सय ६३ मत मध्ये प्रतिनिधि सभा सदस्यमा २ हजार दुई सय ८१ मत बदर भेटिएका छन् ।
त्यस्तै प्रदेश सभा सदस्य पर्वत क्षेत्र नं. १ मा ८ सय २ र क्षेत्र नं. २ मा ६ सय २४ मत बदर भेटिएको जिल्ला निर्वाचन अधिकारी लक्षु शर्माले जानकारी दिए । प्रतिनिधि सभा सर प्रदेश सभा सदस्यमा गरी उहाँका अनुसार अधिकास भोट बाम गठवन्धनलाई हालिएको मतपत्रमा बदर भएका हुन्
नेकपा एमालेको सुर्य चिन्ह र नेकपा मालेको हँसिया तारामा हालिएका मतहरु बढि मात्रामा बदर देखिएको शर्माले जानकारी दिए । एमाले र माओवादी केन्द्रको चुनाव चिह्न ठानेर मतदाताले दुई ठाउँमै छाप लगाउँदा मत बदर हुन पुगेका हुन् ।
राजनितिक दलहरुले तल्लो तहसम्म पुगेर आफ्ना कार्यकर्तालाई मतदानबारे जानकारी नगराउँदा पनि बढि मत बदर भएको देखिएको छ ।
प्रतिक्रिया दिनुहोस !
