पूर्व राज्यमन्त्री सिंहलाई पूर्व राज्यमन्त्री यादवले हराए
सिरहा : पूर्व स्वास्थ्य राज्यमन्त्री सुरेशचन्द्र दास यादव सिरहा प्रतिनिधिसभा क्षेत्र २ बाट निर्वाचित भएका छन् । वाम गठबन्धनको तर्फबाट उम्मेदवार बनेका यादवले संघीय समाजवादी फोरमका उम्मेदवार तथा पूर्व पर्यटन तथा नागरिक उड्यन राज्यमन्त्री शत्रुधन प्रसाद सिंहलाई पराजित गरेका हुन् ।
निर्वाचित यादवले २० हजार १४८ मत ल्याएर निर्वाचित भएका छन् । उनका निकटम प्रतिस्पर्धी फोरमका सिंहले १७ हजार २६० मत प्राप्त गरे । साथै यही क्षेत्रबाट चुनावमा उठेका पूर्व सांसद तथा कांग्रेसका जिल्ला सभापति रामचन्द्र यादव तेस्रो स्थानमै सीमित भएका छन् भएका छन् ।
क्षेत्र नम्बर २ को मतपरिणाम सार्वजनिक भएसँगै प्रत्यक्षतर्फ मतगणना सकिएको छ । चार प्रतिनिधिसभा क्षेत्र रहेको सिरहा १ मा काँग्रेस नेता प्रदिप गिरी, ३ मा एमालेका केन्द्रीय सदस्य लीलानाथ श्रेष्ठ, ४ मा राजपा अध्यक्ष मण्डलका सदस्य तथा पूर्व सञ्चारमन्त्री राजकिशोर यादव निर्वाचित भएका छन् ।
आठ प्रदेशसभा क्षेत्र रहेकोमा ६ क्षेत्रमा वाम गठबन्धनले कब्जा जमाउन सफल भएको छ भने एक÷एक क्षेत्र राजपा र फोरमले जित मात्र हात पार्न सकेको छ । काँग्रेसले प्रदेशसभाको एउटा पनि सिट जित्न सकेन ।
प्रतिक्रिया दिनुहोस !
