प्रदेश २ मा सरकार बनाउन मधेसी दललाई १९ सिट अपुग
काठमाण्डौँ : प्रदेश नम्बर २ मा मधेशी दललाई सरकार बनाउन समानुपातिक तर्फ कम्तिमा १९ सिट आवश्यक पर्ने भएको छ । प्रत्यक्षतर्फ प्रदेशसभामा संघीय समाजवादी फोरम नेपालले २० सिट ल्याएर सबैभन्दा ठूलो दल भएको छ, भने राष्ट्रिय जनता पार्टी नेपालले १५ सिट जितेको छ । फोरम र राजपाको मत जोड्दा ३५ सिट हुन्छ जुन प्रत्यक्षतर्फ बहुमत हुन्छ। प्रदेश २ मा प्रत्यक्षतर्फ ६४ सिट रहेको छ भने समानुपातिकमा ४३ सिट रहेको छ । कूल १०७ सिट मध्ये बहुमतका लागि ५४ सिट आवश्यक पर्ने देखिन्छ । प्रत्यक्षमा एमालेले १४, नेपाली काँग्रेसले ८, माआवादी केन्द्रले ६ र स्वतन्त्रले १ सिट जितेका छन् । प्रदेश २ मा काँग्रेसलाई नलिएर मधेशी दलको सरकार बन्ने कुराको फैसला समानुपातिकको परिणामले मात्रै गर्ने भएको छ ।
हाल सम्मको परिणाम अनुसार प्रदेश नम्बर २ मा काँग्रेसले ७१ हजार ७५३, राजपाले ५० हजार ६६५, नेकपा एमालेले ३९ हजार ८६, फोरमले ३८ हजार ५८९ र माओवादी केन्द्रले २१ हजार १६८ मत प्राप्त गरेका छन् ।
प्रतिक्रिया दिनुहोस !
