संविधान सच्याउँछौं : यादव
राजविराज : संघिय समाजवादी फोरमका अध्यक्ष उपेन्द्र यादवले मधेसको मुद्दा स्थापित गर्दै संविधान सच्याउने बताएका छन् ।
सप्तरीबाट प्रतिनिधिसभा सदस्यमा निर्वाचित यादवले मंगलबार राजविराजमा आयोजित विजयी ¥यालीलाई सम्बोधन गर्दै संविधान संशोधन नभएसम्म संघर्ष जारी रहने बताए । उनले फोरम–राजपा गठबन्धनलाई प्राप्त जनादेश मधेशको जायज माग पुरा गराउनकै लागी भएको समेत जिकिर गरे । मधेशको मुद्दा समग्र मुलुककै मुद्दा बनेको दाबी गर्दै उनले मधेशको मुद्दा सम्बोधन नगरी मुलुक अगाडी बढ्नै नसक्ने बताए ।
यादवले मधेशवादी दल र नेताहरुले उठाएको मुद्दाको साथमा मधेशका जनता छन् भनेर मतदाताले पुष्टि गरेकोमा धन्यवाद समेत प्रकट गरे । मधेशको मुद्दा स्थापित गराएरै छाड्ने बताएका यादवले संविधान संशोधन गरेर त्यसलाई सर्वस्वीकार्य बनाउनुको विकल्प नरहेको बताए । पछाडि परेको मधेशको विकास र समृद्धिका लागी समेत आपूmले भुमिका निर्वाह गर्ने यादवले प्रतिवद्धता दोहो¥याए ।
प्रदेशसभा सदस्य २ ख बाट निर्वाचित राजपाका महासचिव मनिषकुमार सुमनले मधेशको जनमतलाई स्वीकार गरी सरकारले संविधान संशोधन गर्नु पर्नेमा जोड दिए । प्रदेश सरकारले मधेशको विकास र समृद्धिका लागि काम गर्ने उनले बताए ।
विजयी सभामा राजपा–फोरम गठबन्धनबाट प्रतिनिधिसभा र प्रदेशसभामा निर्वाचित प्रतिनिधिको सहभागिता थियो । यस अघि स्थानीय राजरंगशालाबाट बाजागाजा र नाचगान गर्दै निस्केको विजयी ¥यालीले नगर परिक्रमा गरेको थियो ।
प्रतिक्रिया दिनुहोस !
