कैलाली क्षेत्र नम्बर २ मा झपटबहादुर रावल विजयी
धनगढी : कैलाली क्षेत्र नम्बर २ मा वाम गठबन्धनका उम्मेदवार झपटबहादुर रावल विजयी भएका छन् ।
एमालेको तर्फबाट प्रतिनिधिसभा सदस्य उम्मेदवार बनेका रावल २५ हजार १ सय ५७ मत ल्याएर विजयी भएका हुन् । उनका निकटतम प्रतिद्वन्द्वी लोकतान्त्रिक गठबन्धनको तर्फबाट उम्मेदवार बनेका कांग्रेस नेता मोहनसिंह राठौरले २३ हजार तीन सय १३ मत मात्र प्राप्त गरेका छन् ।
कैलाली क्षेत्र नम्बर १ मा राजपाका रेशमलाल चौधरी एमालेका मदनकुमारी शाहलाई पराजित गर्दै विजयी भएका छन् भने क्षेत्र नम्बर ३ मा रामजनम चौधरीलाई पराजित गर्दै गौरीशंकर चौधरी विजयी भएका छन् ।
त्यसैगरी क्षेत्र नम्बर ४ मा कांग्रेसका सुनिलकुमार भण्डारीलाई पराजित गर्दै माओवादीका लेखराज भट्ट विजयी भइसकेका छन् भने क्षेत्र नम्बर ५ मा प्रधानमन्त्री शेरबहादुर देउवा पत्नी आरजु राणा देउवालाई पराजित गर्दै नारदमुनि राना विजयी भइसकेका छन् ।
प्रतिक्रिया दिनुहोस !
