काठमाडौँ । नयाँ सरकार निर्माणमा गतिरोध देखिएपछि वाम गठबन्धनका दुई घटक नेकपा एमाले र नेकपा माओवादी केन्द्रले आइतबार संयुक्त पत्रकार सम्मेलन गर्ने भएका छन् ।
राष्ट्रिय सभासम्बन्धी अध्यादेशलाई लिएर सत्तारुढ दल नेपाली कांग्रेसले सरकार छाड्न तयार नभएपछि दुई वाम घटकले पत्रकार सम्मेलनबाट आफ्नो धारणा सार्वजनिक गर्न लागेका हुन् ।
दिउँसो ३ बजे दरबारमार्गस्थित होटेल अन्नपूर्णमा पत्रकार सम्मेलन गरेर दुवै दलले आफ्नो संयुक्त धारणा सार्वजनिक गर्न लागेको एमालेका अध्यक्ष केपी शर्मा ओलीका प्रेस संयोजक चेतन अधिकारीले जानकारी दिए ।
निर्वाचन सकिएपछि दुई दलबीचको एकता प्रक्रियाबारे आशंकासहित विभिन्न टिप्पणी हुन थालेपछि त्यसलाई चिर्न पनि दुई नेताले संयुक्त पत्रकार सम्मेलन गर्न लागेका हुन् ।
प्रतिक्रिया दिनुहोस !
