काठमाडौं । भावी प्रधानमन्त्रीका रुपमा हेरिएका एमालेका अध्यक्ष केपी शर्मा ओली अहिले निजीक्षेत्रलाई फकाउन सक्रिय छन् । नयाँ सरकार निर्माण प्रक्रिया अघि बढिरहेका बेला ओलीले निजीक्षेत्रका अगुवाहरुलाई भेट्दै विश्वासमा लिने प्रयासमा सक्रिय भएका छन् ।
आइतवार निजी निवास बालकोटमा नेपाल उद्योग परिसंघका पदाधिकारीसँगको भेटका क्रममा पूर्व प्रधानमन्त्री ओलीले नेपाललाई छिट्टै गरिबीमुक्त राष्ट्र बनाउने घोषणा पनि गरेका छन् ।
अध्यक्ष ओलीले उत्पादनशील क्षेत्रमा लगानी बढाएर मुलुकबाट छिट्टै गरिबी हटाउने बताए । वामपन्थी गठबन्धनले स्पष्ट बहुमत ल्याएसँगै सरकारको नेतृत्व लिने तयारीमा रहेका उनले नेपाल उद्योग परिसंघको नेतृत्वसँग मुलुकबाट गरिवी हटाउन आफूले उत्पादनमूलक क्षेत्रमा लगानी बढाउन उच्च प्राथमिकता दिने योजना पनि सुनाए ।
अध्यक्ष ओलीले अहिले विश्व नै उत्पादन बढाएर गरिबी हटाउने अभियानमा लागिरहेको स्मरण गराउँदै नेपालले पनि सोही बाटोबाट अघि बढनुपर्ने बताए । उनले लगानी वृद्धि गरेर मुलुकलाई आत्मनिर्भर बनाउने बाटोमा नेपाल अघि बढने पनि स्पष्ट पारे ।
अध्यक्ष ओलीले निर्यात व्यापार प्रवद्र्धन, रोजगारीको अवसर थप सिर्जना गर्न र मुलुकबाट गरिवी हटाउन लगानी बढाउन जोड दिने पनि उल्लेख गरे । उनले संयुक्त राष्ट्र संघको दिगो विकास लक्ष्य हासिक गर्न लागि पर्ने पनि दोेहो¥याए ।
अध्यक्ष ओलीले अव बन्ने सरकार देश र जनताप्रति उत्तरदायी हुने पनि बताए । उनले मुलुकलाई आधुनिक र सभ्य बनाउँदै जनताको जीउ÷धनको सुरक्षा गर्ने, सबैलाई न्याय र अवसर प्रदान गर्ने र भयरहित समाज निर्माणमा जुट्ने पनि बताए ।
त्यसमा अवसरमा नेपाल उद्योग परिसंघका अध्यक्ष डा. हरिभक्त शर्माले मुलुकलाई समृद्ध बनाउने अध्यक्ष ओलीको सपना पूरा गर्न सक्दो सहयोग गर्ने प्रतिवद्धता व्यक्त गरेका थिए ।
उनले मुलुकलाई समृद्ध बनाउने उपयुक्त वातावरण बन्न गएकाले त्यसलाई अवसरको रुपमा लिएर नयाँ सरकारले काम गर्ने विश्वास पनि व्यक्त गरे । अध्यक्ष शर्माले ओलीलाई मुलुकलाई समृद्ध बनाउन ‘मिसन’ र ‘भिजन’ भएको नेताको रुपमा पनि चित्रण गरेका थिए । त्यस अवसरमा उद्योगी व्यवसायीहरुले नयाँ सरकारले लगानीमैत्री वातावरण बनाउने विश्वास व्यक्त गरेका थिए ।
प्रतिक्रिया दिनुहोस !
