सिटी एक्सप्रेसको उपहार योजना अन्तर्गत विजेता छनाेट
काठमाडौं : मनी ट्रान्सफर सम्बन्धी सेवा उपलब्ध गराइरहेको सिटी एक्सप्रेस मनी ट्रान्सफर प्रालिले उपहार योजना अन्तर्गत विद्युतीय लक्की ड्रमार्फत विजेता छनाेट गरेको छ । २०७४ सालको विजया दशमी, दीपावली तथा छठ पर्वलाई लक्षित गर्दै ९० दिनसम्म चल्ने सिटी एक्सप्रेस उत्सव एक्सप्रेस उपहार योजना सार्वजनिक गरेको थियो ।
जस अन्तर्गत सिटी एक्सप्रेस मनी ट्रान्सफरमार्फत विदेशबाट नेपालमा रहेका आफन्तलाई रकम पठाए वापत दैनिक रुपमा एकजना भाग्यशाली विजेतालाई एक तोला चाँदीको सिक्का, क्याप, टी सर्ट र किरिङ्ग, साप्ताहिक रुपमा एक विजेतालाई ओप्पो मोवाइल र हरेक महिना एकजना विजेतालाई एलजी रेफ्रिजिरेटर उपहार प्रदान गर्ने घोषणा गरेकाे थियाे ।
साथै उपहार योजनाको अन्त्यमा एकजना भाग्यशाली विजेतालाई बम्पर उपहारको रुपमा रेनौल्टको क्विड आर एक्सएल कार प्राप्त गर्ने घोषणा गरिएको थियो । यो योजना २०७४ भाद्र १८ देखि मंसिर १५ सम्म चलेको थियो । उपहार योजनामा दैनिक उपहार योजना अन्तर्गत ९० जना सेवाग्रीले एक तोला चाँदीका सिक्का, क्याप , टी सर्ट र किरिङ्ग , साप्ताहिक रुपमा १२ जनाले ओप्पो मोवाईल र मासिक रुपमा ३ जना एलजी रेफ्रिजिरेटर प्राप्त गर्न सफल भएका छन् ।
कम्पनीका ब्राण्ड एम्बेसेडर सिताराम कट्टेल (धुर्मुस) र प्रबन्ध निर्देशक चन्द्र टण्डनद्वारा फेसबुक लाइभ कार्यक्रम आयोजना गरी बम्पर उपहार रेनौल्टको क्विड आर एक्सएल कार विजेता छनौट गरिएको थियो ।
लक्की ड्रबाट साउदी अरबको टेलीमनीबाट ईलाम निवासी श्रीमती बिमलादेवी तामाङ्गलाई पैसा पठाए वापत जमन तामाङ्ग छानिएको प्रबन्ध निर्देशक चन्द्र टण्डनले जानकारी गराए ।