काठमाडौं : बाजेको सेकुवाको १३ औं शाखा बुटवलमा सुरु हुने भएको छ । चार दशक अघि काठमाडौं एयरपोर्ट चौरबाट सुरु भएको बाजेको सेकुवा रेष्टुुुरेण्ट संजालको रुपमा परिणत भएको छ । नेपालका साथै अन्तराष्ट्रिय परिचयको रुपमा आफुलाई स्थापित गर्न सफल बाजेको सेकुवा फ्रान्चाईज मोडेल अवलम्वन गर्ने नेपालकै पहिलो रेष्टुरेण्ट हो ।
बाजेको सेकुवाका पारखीले यही पुष महिनादेखी बुटवलमा पनि लोकप्रिय विभिन्न सेकुवाका भेज ननभेज परिकारको स्वाद लिनपाउने भएका छन् । फ्रान्चाईज मोडलमा आधारित बुटवल शाखा बाजेको सेकुवाको उपत्यका बाहिर सञ्चालित तेस्रो शाखा हो ।
बाजेको सेकुवाका फ्रान्चाईजहरु बाजेको भेन्चर नामक कम्पनीको व्यवस्थापन अन्र्तगत सञ्चालन हुन्छन् । कम्पनीले बाजेको सेकुवाका लागि आवश्यक विभिन्न स्वच्छता, गुणस्तर र एकरुपताका मापदण्ड तयार पारी सोही अनुसार फ्रान्चाईजमा लागु गरि समय समयमा निरीक्षण पनि गर्दछ । यसले गर्दा फ्राञ्चाईज रेष्टुरण्टले त्यही बाजेको सेकुवाको मौलिक स्वाद र सत्कार कायम गर्न सफल हुन्छन् ।
हालै बुटवलमा सञ्चालन हुने शाखा कुलचन्द्र पाण्डे, भोज राज पाण्डे र शंकर पाण्डेको संयुक्त निगरानीमा सञ्चालन हुनेछ ।
प्रतिक्रिया दिनुहोस !
