काठमाडौँ: प्रदेशसभा र प्रतिनिधिसभा निर्वाचन सकिएपछि पहिलो पटक नेकपा माओवादी केन्द्रको केन्द्रीय समिति बैठक सोमबार बसेको छ ।
निर्वाचनको समिक्षा गर्दै नयाँ सरकार गठन र एमालेसँगको एकताबारे पार्टीको ठोस धारणा तय गर्न माओवादी केन्द्रले सोमबार पार्टी केन्द्रीय समिति बैठक बोलाएको हो ।
पार्टी केन्द्रीय कार्यालय पेरिसडाँडामा जारी बैठकमा नेताहरुले निर्वाचनमा मिलेको सफलता, सरकार गठन र एमालेसँगको एकता प्रक्रिया अघि बढाउनेबारे पार्टी नेतृत्वलाई सुझाव दिइरहेका छन् ।
एमाले–माओवादी केन्द्रबीच चुनावी तालमेल गरेर जाने र त्यसपछि पार्टी एकता गर्ने निर्णय भएको थियो । सोही निर्णयलाई कार्यान्वयनमा लैजान पार्टीमा औपचारिक छलफल थालिएको माओवादी केन्द्रका एक नेताले जानकारी दिएका छन् ।
प्रतिक्रिया दिनुहोस !
