काठमाडौँ : गैरआवासीय नेपाली संघ चाइनाको विवाद सतहमा आएको छ । गत सेप्टेम्बर ३ तरिखमा २ वर्षका लागि नयाँ कार्यसमिति चयन हुन नसकेपछि विवाद छताछुल्ल भएको हो ।
नयाँ कार्य समिति चयन हुन नसकेपछि करिब निलम्वनको अवस्थामा रहेको एनआरएनए आइसीसी चाइनाले पुन: सक्रियता देखाएसँगै विवादले नयाँ रुप लिएको छ ।
अक्टोबर १६-१९ मा भएको विश्व सम्मेलन मताधिकार नपाउने भएपछि अचानक एसिया प्रशान्त क्षेत्रमा श्रीमती अमृता थापा (कन्चन) लाई सदस्यमा मनोनित गरिएपछि समस्या बढेको बताइएको छ ।
एकातिर देशको प्रतिनिधित्वसमेत अस्वीकार गरी केन्द्रीय समितिले सिधै सदस्यता थपेपछि एनआरएनए चाइनमा झनै अन्योल बढेको हो । मनोनित थापाले केही एनआरएनहरुलाई साथमा लिएर गतिविधि गरेको भन्दै अर्को समूहले आक्रोश पोखेको छ ।
नयाँ वर्ष २०१८ मनाउन भन्दै गरिएको व्यक्तिगत कार्यक्रममा एनआरएनए चाइनको नाममा पैसा उठाएकोमा पनि अर्को पक्षले आपत्ति जनाएको छ ।
कार्यसमितिका निर्वतमान पदाधिकारीहरुसँग सल्लाह नगरी नगरी एकलौटीरुपमा एउटा समूहको नेतृत्व गर्दै गतिविधि गरेको भन्दै आपत्ति प्रकट गरिएको एनआरएनए आइसीसीका एक सदस्यले बताएका छन् ।
चीनमा रहेका नेपाली समुदायले एनआरएनएमा रहेको विवाद छिटो भन्दा छिटो समाधान गर्न माग गरेका छन् । यस्ता गतिविधिले नेपालीबीच फाटो ल्याउने भन्दै उनीहरुले तत्काल समाधान निकाल्न माग गरेका छन् ।
प्रतिक्रिया दिनुहोस !
