पत्रकार महासंघ यूएई शाखाको वार्षिकोत्सवमा खोज पत्रकारिता तालिम
यूएई : नेपाल पत्रकार महासंघ यूएई शाखाले आफ्नो दशौं वार्षिकोत्सव खोजमूलक पत्रकारिता तालिमसहित गर्ने तयारी गरेको छ।
पत्रकार महासंघ युएई शाखाको ८ डिसेम्बरमा बसेको बैठकले जनवरी १२ तारिक औपचारीक कार्यक्रमसहित वार्षिकोत्सव मनाउने निर्णय गरेको हो। प्रवासमा रहेर पनि संचार क्षेत्रमा क्रियाशिल संचारकर्मीको स्तरोन्नती गर्ने उद्देश्यले खोजमुलक पत्रकारिता तालिमको आयोजना समेत गर्ने निर्णय गरेको हो।
नेपाल पत्रकार महासंघका पूर्वअध्यक्ष तथा खोजमूलक पत्रकारिता केन्द्रका सम्पादक शिव गाउँले प्रशिक्षण दिने यूएई शाखाका अध्यक्ष भुपराज बस्यालले जानकारी दिए।
प्रत्येक वर्ष एक जना उत्कृष्ट पत्रकारलाई प्रदान गर्दै आइरहेको पत्रकारिता पुरस्कार समेत प्रदान गरिने अध्यक्ष बस्यालले बताए।
प्रतिक्रिया दिनुहोस !
