आफ्नो जितलाई तपाईंले कसरी लिनुभएको छ ?
मैले पहिलो पटक निर्वाचनमा भाग लिएको हुँ । मतदाताले विश्वास गरेकोमा हर्षित छु । यो जितले जनताको पक्षमा अझै धेरै काम गर्न प्रेरित गरिरहेको छ।
आफ्नो क्षेत्रको विकासलाई कसरी अगाडि बढाउनुहुन्छ ?
इनरुवा जिल्ला सदरमुकाम भए पनि विकासका हिसाबले निकै पछाडि परेको छ । यहाँको विकासका लागि मैले योजना बनाएको छु । सडकलाई फराकिलो बनाएर कालोपत्रे गर्ने, सिँचाइ सुविधा विस्तार गरी इनरुवालाई सुविधासम्पन्न बनाउने योजना छ । मसँग विकासका अरू पनि योजना छन्, तिनको कार्यान्वयन नै अबको मेरो प्राथमिकता हुनेछ ।
सरकारले प्रदेश राजधानी सुनसरीलाई घोषणा गर्नुपर्छ । केन्द्रको हिसाबले इटहरी र भौतिक पूर्वाधारका हिसाबले धरानलाई प्रदेश राजधानी बनाउँदा उपयुक्त देख्छु । हामी प्रदेशसभामा यो विषयलाई घनीभूत रूपमा उठाउँछौं ।
अबको पाँच वर्ष आफ्नो क्षेत्रको विकासमा मेरो ध्यान केन्द्रित हुनेछ । सुनसरी खोलालाई बाँध बाँधेर खेतीयोग्य जमिनमा सिँचाइ सुविधा पुर्याउने सोच छ । सीमा समस्या समाधानमा आवाज उठाउनेछु । स्थानीय सरकारसँग समन्वय गरी इनरुवा आसपासका क्षेत्रको विकास गर्ने योजना मैले बनाएको छु ।
प्रस्तुति : रत्नप्रसाद आचार्य
प्रतिक्रिया दिनुहोस !
