गर्भवतीलाई सफाई सामग्री
जनकपुरधाम : गर्भवतीको स्वास्थ्य राम्रो बनाउन व्यक्तिगत सफाई सामग्री वितरण गरिएको छ । धनुषाको औरही गाउँपालिका ५ र ६ का सयबढी गर्भवतीलाई शनिबार व्यक्तिगत सफाई सामग्री वितरण गरिएको हो ।
सो क्षेत्रका नव निर्वाचित सांसद रामअशीष यादवको प्रयास तथा यूनिसेफको सहयोगमा गर्भवतीलाई साबुन, ब्रस, टुथपेस्ट, नेलकटर, तौलिया, सेनेटरी प्याड र लुगा उपलब्ध गराईएको हो । गाउँघरमा गर्भवती भएको समयमा पोषण र सफाईमा विशेष ध्यान नदिइने हुँदा आमा र बच्चा दुबैलाई जोखिम हुने गरेको छ ।
महिला किसान कृषि सहकारी संस्थाको तेस्रो साधारण सभाको अवसरमा आयोजना गरिएको कार्यक्रममा गर्भवतीले दुई वटा जीउ जोगाउनु पर्ने हुँदा विशेष सतर्कता अपनाउनु आवश्यक रहेको डा. रामज्ञान यादवले बताए ।
गाउँपालिका उपप्रमुख मिरा सहनीले गर्भवती भएको अवस्थामा घरपरिवारबाट समेत विशेष सहयोग रहनुपर्ने बताईन् ।उनले समाजमा छोरा र छोरी बीच अझै विभेद रहेको जनाउँदै छोरी जन्मिदा अपमान गर्ने परम्परा अन्त्य गरिनु पर्नेमा जोड दिइन् ।
प्रतिक्रिया दिनुहोस !
