राष्ट्रिय कबड्डी प्रतियोगिता शुरु
बर्दिया : राष्ट्रिय खेलकुद परिषद् च्याम्पियनसिप २०७४ अन्तर्गत राष्ट्रिय कबड्डी प्रतियोगिता आइतबारबाट बर्दियाको भुरीगाउँमा शुरु भएको छ। अखिल नेपाल कबड्डी संघद्वारा आयोजित पत्रकार भेटघाट कार्यक्रममा प्रतियोगिता पुस २७ गते सम्म सञ्चालन हुने आयोजकले बताएको छ।
प्रतियोगितामा पुरुष र महिलाका आठ –आठ समूहका १९२ खेलाडी र १६ प्रशिक्षक सहभागी हुने छन्। पाँच विकास क्षेत्रका महिला र पुरुष गरी दस समूह तथा नेपाल प्रहरी, सशस्त्र प्रहरी र नेपाली सेनाका छ समूह पनि सहभागी हुने छन्।
प्रतियोगिताबाट आगामी अगष्टमा इण्डोनेसियामा हुने एसियन खेलका लागि खेलाडी छनोट गरिने अखिल नेपाल कबड्डी संघका महासचिव विनोद प्रजापतिले जानकारी दिए।
प्रतिक्रिया दिनुहोस !
