काठमाडौं : उपप्रधानमन्त्री विजयकुमार गच्छदारले शुक्रबार प्रदेश प्रमुख तोक्ने बताए । उनले पत्रकारसँग कुराकानी गर्दै नाम टुङ्गो लागिसकेकोले शुक्रबार बस्ने मन्त्रिपरिषदको बैठकले प्रदेश प्रमुख तोक्ने जानकारी दिए ।प्रधानमन्त्री शेरबहादुर देउवाले शुक्रबार मन्त्रिपरिषद् बैठक बोलाएका छन् ।
उपप्रधानमन्त्री गच्छदारले अस्थायी राजधानी तोक्ने विषयमा भने टुङ्गो लागि नसकेको बताए ।‘प्रदेश प्रमुखको नाम टुङ्गो लागिसकेको छ , भोलिको बैठकले प्रदेश प्रमुख तोक्नेछ,’ उनले भने । उनले अस्थायी राजधानीको तोक्ने विषयमा भने छलफल जारी रहेको बताए । प्रदेश प्रमुख नतोकिएका कारण प्रदेश सभाको मतपरिणाम घोषणा गर्न बिलम्व भइरहेको निर्वाचन आयोगले बताउदै आएको छ ।
प्रतिक्रिया दिनुहोस !
