फुटबल संघमा चित्रकार
नुवाकोट: जिल्ला फुटबल संघ नुवाकोटको चौथो अधिवेशनले पुनः दीपकलाल चित्रकारको अध्यक्षतामा १३ सदस्यीय कार्यसमिति चयन गरेको छ ।
संघको नवनिर्वाचित उपाध्यक्षहरुमा शनि चित्रकार, अच्युतराज महन्तगिरी र उद्धव पनेरू रहेका छन् । सदस्यमा पूर्णिमा अर्याल, पूर्णमान चित्रकार, सन्तोष नगरकोटी, रवीन्द्र भुजेल, राजेन्द्र खतिवडा, सुरज श्रेष्ठ, रमेशबहादुर आचार्य, श्रीराम तामाङ र सरोज लामा रहेका छन् ।
अधिवेशनले पूर्व उपाध्यक्ष जीवन लामालाई मानार्थ अध्यक्ष घोषणा गरेको छ । त्यस्तै, नयाँ कार्य समितिको बैठकले महासचिव र कोषाध्यक्ष मनोनित गर्ने छ । अधिवेशनमा फुटबल संघका केन्द्रीय सदस्य रवीन्द्रनाथ श्रेष्ठ र पूर्णमान चित्रकार, जिल्ला खेलकुद विकास समितिका अध्यक्ष बुद्धिबहादुर प्रधान, पूर्व अध्यक्ष राम थापालगायतले धारणा राखेका थिए ।
प्रतिनिधिसभा सदस्य नारायणप्रसाद खतिवडाले अधिवेशनको उद्घाटनका गरेका थिए । नवनिर्वाचित पदाधिकारीलाई अखिल नेपाल फुटबल संघका केन्द्रीय सदस्य तथा अधिवेशन प्रतिनिधि रवीन्द्र श्रेष्ठले पद तथा गोपनियताको सपथ खुवाए ।
प्रतिक्रिया दिनुहोस !
