काठमाडौँः डिफेन्डिङ च्याम्पियन चेल्सीले दश खेलाडीमा सीमित लेस्टर सिटीसँग गोलरहित बराबरी खेल्दै इङ्लिस प्रिमियर लिग अन्तरगत शनिबा राति भएको खेलमाा अंक बाँडेको छ ।
लिगको २३ औँ चरणको खेलमा सुरुबाटै चेल्सीले लेस्टरको दबाब झेलेको थियो । चेल्सीले पनि केही गतिला मुभलाई सदुपयोग गर्न नसक्दा अंक बाँड्न बाध्य भयो ।
खेलको ६८ औँ मिनेटमा लेस्टरका बेन्जामिन चिलवेल रातो कार्ड खाँदै बाहिरिएपछि १० खेलाडीमा झरेको लेस्टर रक्षात्मक भएको थियो । हजार्ड र फाब्रेगासको ठाउँमा पसेका विलियन र पेड्रोले दोस्रो हाफमा केही प्रयास गरे पनि सफल भएनन् ।
यो बराबरीपछि चेल्सी २३ खेलबाट ४७ अंकसहित लिगको तेस्रो स्थानमा छ भने लेस्टर समान खेलबाट ३१ अंकसहित लिगको आठौँ स्थानमा छ । पहिलो स्थानमा भने ६२ अंकसहित म्यानचेस्टर सिटी रहेको छ ।
प्रतिक्रिया दिनुहोस !
