एजेन्सी: भारतीय क्रिकेट टिमका कप्तान विराट कोहलीमाथि आईसीसीले कारवाही गरेको छ । कोहलीलाई आईसीसीको कोड अफ कन्डक्ट लेभल १ को उल्लंघनमा दोषी पाइएपछि कारवाही गरिएको हो ।
आईसीसीले कारवाही गर्दै कोहलीमाथि म्याच फिसको २५ प्रतिशत जरिवाना तिराएको हो । यतिमात्रै होइन आईसीसीको तर्फबाट कोहलीलाई १ डिमेरिट पोइन्ट पनि मिलेको छ। भारतीय कप्तान कोहलीले दक्षिण अफ्रिकाविरुद्ध सेन्चुरियन टेस्टको तेस्रो दिन खराब प्रकाशका कारण खेल रोकेको मामिलामा म्याच एम्पायरको निर्णयबारे आपत्ति जनाएका थिए ।
कोहली भारत र दक्षिण अफ्रिकाबीच सेन्चुरियनमा खेलिएको दोस्रो टेस्ट म्याचको तेस्रो दिन अन्तिम सत्रको खेल रोकेकोमा धेरै रिसाएका थिए । म्याचका क्रममा पहिले बर्षातले खेलमा बाधा गर्यो । तर जब बर्षातपछि खेल सुरु हुँदा ५ ओभरपछि फेरि खेल रोकियो ।
अम्पायरले खराब प्रकाशका कारण खेल रोकिदिएका थिए । त्यसपछि कप्तान विराट कोहली रिसाउँदै मैदान बाहिर निस्किएका थिए । त्यसपछि उनी सिधै म्याच रेफ्री क्रिस ब्रोडको कोठामा पुगे । कोहलीले म्याच रेफ्रीसामू खेल रोकेकोमा आपत्ति प्रकट गरेका थिए ।
BREAKING: Virat Kohli has been fined for breaching the ICC Code of Conduct.
— ICC (@ICC) January 16, 2018
More ➡️ https://t.co/zRJ74iOlX1 pic.twitter.com/xMH5dTKQsi
प्रतिक्रिया दिनुहोस !
