गोरखा : तनहुँको आबुखैरेनीबाट तीनवटा ध्वाँसे बाघको छाला र हड्डीसहित मंगलबार दुई जना पक्राउ परेका छन् । पक्राउ पर्नेमा गोरखा सुलिकोट गाउँपालिकास्थित बारपाकका ३५ वर्षीय इतबहादुर घले र नुवाकोट सुनखानीका २८ वर्षीय भीमबहादुर तामाङ रहेका छन् ।
बा १५ च ७४५६ नम्बरको स्कारपियो गाडी खोजतलासका क्रममा इलाका प्रहरी कार्यालय आबुखैरेनी र नेपाल प्रहरीको केन्द्रीय अनुसन्धान ब्यूरो (सिआइबी) को संयुक्त टोलीले उनीहरुलाई पक्राउ गरेको हो ।
पक्राउ परेका दुबैलाई वन्यजन्तु ओसारपसार ऐनअनुसार कारबाही गर्न जिल्ला वन कार्यालयमा बुझाइएको प्रहरी निरीक्षक लोकबहादुर गुरुङले बताए । रासस
प्रतिक्रिया दिनुहोस !
