आर्मी फुटबलको सेमिफाइलनमा
दाङ : मंगलवारदेखि दाङमा सुरु भएको परिषद कप २८ औँ राष्ट्रिय च्याम्पियनसीप पुरुष फुटबल प्रतियोगिता २०७४ मा त्रिभुवन आर्मी क्लब सेमिफाइनलमा पुगेको छ । प्रतियोगिता अन्तर्गत घोराहीको भरतपुर मैदानमा वुधबार भएको खेलमा त्रिभुवन आर्मी क्लब विजयी हँदै सेमिफाइनलमा पुगेको हो ।
भरतपुर खेल मैदानमा भएको प्रतियोगितामा पूर्वाञ्चल क्षेत्रीय टिमलाई शुन्यका विरुद्ध २ गोलले पछि पार्दै आर्मीले सेमिफाइलनको यात्रा तय गरेको हो । प्रतियोगिताको १७ औँ मिनेटमा आर्मीका १४ नम्बर जर्सीका विवेक बस्नेतले गोल गर्दै आफ्नो टिमलाई अग्रता दिएका थिए ।
पहिलो हाफमा १ गोलले अग्रता लिएको आर्मीले खेलको ८८ औँ मिनेटमा पुनः गोल गर्दै २ गोलको अग्रता बढाएको थियो । खेलको ८८ औ मिनेटमा जर्सी नम्बर १६ का दिपकुमार लामाले गोल गरेका थिए । बस्नेत र लामाको गोलसँगै आर्मी सेमिफाईनलमा प्रवेश गरेको हो । बिहीवार त्रिभुवन क्लब आर्मी र सुदुरपश्चीमाञ्चल फाइनलकालागि भिड्ने छन् ।
प्रतियोगिताको फाईनल खेल माघ ६ गते घोराहीमा हुने जिल्ला फुलबल संघ दाङका अध्यक्ष सुशील श्रेष्ठले बताए । प्रतियोगितामा पाँच विकास क्षेत्रबाट एक/एक गरि ५ र तीन वटा विभागीय टोली गरेर आठ बटा टिमको सहभागिता रहेको छ ।
मंगलबार देखि सुरु भएको प्रतियोगिताको आयोजना अखिल नेपाल फुबल संघ र सहआयोजना जिल्ला फुटबल संघ दाङले गरेको छ । प्रतियोगितामा विजयी हुनेलाई ट्रफि तथा पुरस्कारको समेत व्यवस्था गरिएको आयोजकले वताएको छ ।
प्रतिक्रिया दिनुहोस !
