धनकुटा तनावग्रस्त, कर्फ्यू लगाइयो

धनकुटा : प्रदेश राजधानीको माग गर्दै गरिएको आन्दोलनका कारण धनुकटा तनावग्रस्त बनेको छ । स्थिति तनावपूर्ण भएपछि स्थानीय प्रशासनले अनिश्चितकालीन् कर्फ्यू लगाएको छ । साढे ११ बजेदेखि लागु हुने गरी अनिश्चितकालसम्मको लागि कफ्र्यू लगाएको प्रमुख जिल्ला अधिकारी प्रेमप्रकाश उप्रेतीले बताए । स्थानीय प्रशासनले धनकुटा सदरमुकामस्थित जिरोप्वाइन्ट, श्रीवानी, बिहीबारे हटिया, त्रिवेणी चोकलगायत क्षेत्रलाई निशेषघाज्ञा तोकेको छ ।
त्यस्तै पूर्वाञ्चल क्षेत्रीय प्रशासन कार्यालय आधा दर्जन भन्दा बढी सरकारी कार्यालयमा तोडफोड गरिएको छ । आन्दोलनकारीले क्षेत्रीय प्रशासन कार्यालयमा रहेको फर्निचरमा आगो लगाएका थिए । आगलागीवाट टेवल, कुर्सीलगायत फर्निचर जलेका छन् । आक्रोशित आन्दोलनकारीले सो कार्यालयको झ्यालमा रहेको सीसा समेत फुटाएका छन् । आन्दोलनकारीलाई नियन्त्रणमा लिन प्रहरीले दुई राउण्ड अश्रुग्यास प्रहारसमेत गरेको थियो ।

त्यस्तै आन्दोलनकारीले डिभिजन सहरी विकास कार्यालयमा समेत तोडफोड गरेका छन् । सो कार्यालयमा रहेको को १ त १०६४ नम्वरको वाइकलाई समेत जलाइएको छ । उच्च अदालत विराटनगर धनकुटा इजलास, सरकारी वकिल कार्यालयको नयाँ भवनको झ्यालको सीसा समेत आन्दोलनकारीले फुटाएका छन् । त्यसैगरी आन्दोलनकारीले आगो निभाउन हिंडेको धनकुटा नगरपालिकाको दमकल र दलित हकहित समन्वय समिति केराबारी मोरङको को२च ४३२ नम्बरको एम्बुलेन्स तोडफोड गरेका छन् ।

प्रहरीको लाठिचार्जबाट नेपाली कांग्रेस धनकुटाका कोषाध्यष दिनेश राईसहित सातजना घाइते भएका छन् । घाइते राईको टाउकोमा गम्भीर चोट लागेको छ । उनको टाउकोमा छ टाका लागेको छ । भने अन्य घाइतेको अवस्था सामान्य रहेको र उपचार पछि घर फर्किसकेको धनकुटा अस्पतालले जनाएको छ ।

 

 

 

प्रदेश राजधानी विवाद : धनकुटामा प्रहरीको गाडी तोडफोड