सुनसरी: मदन भण्डारी मेमोरियल इटहरी गोल्डको आइतवार भएको खेलमा मनाङ मर्स्याङ्दी क्लबले बलियो प्रतिद्वन्द्वी झापा-११ लाई पराजित गरेको छ ।
अत्यन्त प्रतिस्पर्धात्मक खेलमा झापाविरुद्ध मनाङले ४-३ को जित निकाल्दै सेमिफाइनल यात्रा तय गरेको हो । मना३लाई जिताउने क्रममा सुजल श्रेष्ठले उत्कृष्ट प्रदर्शनसहित ह्याट्रिक गरेका छन् ।
मनाङका लागि अर्को गोल विशाल राईले गरेका थिए । मनाङका लागि ह्याट्रिक गर्ने क्रममा सुजलले खेलको पाँचौ, दशौँ र १९ औँ मिनेटमा गोल गरेका थिए । विशालले खेलको ७६ औँ मिनेटमा निर्णायक गोल गरे ।
अर्कातिर पराजित भएको झापाका लागि करण लिम्बूले पनि ह्याट्रिक गरे । तर करणको ह्याट्रिक झापालाई जिताउन पर्याप्त भएन ।
मनाङलाई जिताउँदा नायक बनेका सुजलले म्यान अफ द म्याच हुँदै नग १० हजार रुपैयाँ पनि हात पारेका छन् । सोमबार हुने अर्को क्वार्टर फाइनल खेलमा विभागीय टोली नेपाल आर्मीले पाहुना टोली भुटानसँग सामना गर्नेछ ।
राष्ट्रिय जागृति युवा क्लबको आयोजनामा भइरहेको यो प्रतियोगिताको विजेता टोलीले सर्वाधिक १२ लाख रुपैयाँ पुरस्कार पाउनेछ ।
प्रतिक्रिया दिनुहोस !
