इटहरी गोल्डकपः भुटानविरुद्ध आर्मीको फराकिलो जित
इटहरी: ड्रुक युनाइटेड एफसी भुटानलाई ५–० गोलको अन्तरले हराउँदै त्रिभुवन आर्मी क्लब इटहरीमा जारी मदन भण्डारी स्मृति इटहरी गोल्डकपको सेमिफाइनलमा पुगेको छ ।
आर्मीका लागि पहिलो हाफको २० औँ र ४० औँ मिनेटमा त्रिभुवन आर्मी क्लबका पदम तामाङ्गले पुनः १ गोल गर्दै आफ्नो टिमको पक्षमा २ गोल बनाएका थिए ।
दोस्रो हाफको १६ औँ मिनेटमा आर्मीका दिनेश हेनजमले र ३० औ मिनेटमा टंक बस्नेतले १–१ गोल थपेर आफ्नो टिमको पक्षमा ४ गोल बनाए । खेलको ३४ औ मिनेटमा आर्मीका पदम तामाङ्गले पुनः १ गोल गरेर जित दिलाएका थिए ।
आजको खेलको म्यान अफ द म्याच त्रिभुवन आर्मी क्लब काठमाडौँका पदम तामाङ्ग घोषित भए । उनले नगद १० हजार र ट्रफी प्राप्त गरेका छन् ।
क्वाटर फाईनल अन्तर्गतको अन्तिम खेल मङ्गलवार आयोजक राष्ट्रिय जागृती क्लब इटहरी र गरिफा स्पोर्टिङ क्लब कोलकता बिच हुने आयोजक आयोजक राष्ट्रिय जागृति क्लब इटहरीले जनाएको छ । विजेताले १२ लाख रुपैयाँका साथमा चाँदी र सुनको ट्रफी पाउनेछन् भने उपविजेताले ६ लाख रुपैयाँ पाउनेछन् ।
प्रतिक्रिया दिनुहोस !
