आयोजकलाई हराउँदै गरिफा सेमिफाइनलमा
इटहरी: आयोजक राष्ट्रिय जागृती क्लब इटहरीलार्ई हराउँदै गरिफा स्पोर्टिङ क्लब कोलकता इटहरीको क्षेत्रीय रंगशालामा जारी मदन भण्डारी स्मृति इटहरी गोल्डकपमा मंगलबारसेमिफाईनलमा प्रवेश गरेको छ।
मंगलबार भएको अन्तिम क्वाटर फाइनल खेलमा शून्यकाविरुद्ध १ गोल अन्तरले हराउँदै गरिफा सेमिफाइनलमा प्रवेश गरेको हो ।
गरिफाका लागि जर्सी नम्बर १० का खेलाडी चेस्सी सोलासले खेल सुरु भएको दुई मिनेटमा गोल गरेका थिए । सोही गोल नै खेलको निर्णायक गोल बन्यो । खेलको दोस्रोे हाफमा निकै राम्रो अवसर पाएको जागृती क्लबले सदुपयोग गर्न नसक्दा गरिफाले सेमिफाइनलको यात्रा पक्का गरेको हो ।
खेलको म्यान अफ द म्याच आयोजक राष्ट्रिय जागृती क्लबका प्रवेश दनुवार घोषित भएका छन् । उनले नगद १० हजार र ट्रफी प्राप्त गरेका छन् । बुधबार पहिलो सेमिफाइनल खेल त्रिभुवन आर्मी क्लब काठमाडौं र थ्रि स्टार क्लब काठमाडौंबीच हुने आयोजकले जनाएको छ ।
प्रतिक्रिया दिनुहोस !
