भारतको आई लिग खेल्दै नेपाली राष्ट्रिय टोलीका गोलकिपर किरण
काठमाडौं : नेपाली राष्ट्रिय टोलीका गोलरक्षक किरण चेम्जोङ भारतको चर्चित आई लिगमा अनुबन्धित भएका छन् । किरणले मंगलबार आई लिगको शीर्ष टोली मिनर्वा पन्जाव फुटबल क्लबसँग अनुबन्ध गरेका हुन् । किरणले मिनर्वासँग यो सिजनको बाँकी खेलका लागि अनुबन्ध गरेको मिनर्वाले ट्विटमार्फत सार्वजनिक गरेको छ ।
क्लबले किरणले पाउने तलब र सुविधाका विषयमा भने खुलाएको छैन । जारी लिगमा नौ खेल सकेको मिनर्वा २२ अंकका सात आई लिगको शीर्ष स्थानमा छ । दोस्रो स्थानमा रहेको नेरोका एक खेल बढी खेल्दै २१ अंकका सात दोस्रो स्थानमा छ ।
नेपालको घरेलु लिग पछिल्लो तीन वर्षदेखि ठप्प भएका कारण किरणले अघिल्लो सिजन माल्दिभ्सको टीसी स्पोर्टस्बाट व्यावसायिक फुटबल खेलेका थिए । टीसीसँगको अनुबन्ध सकिएपछि किरनको रोजाइमा आई लिग परेको हो ।
प्रतिक्रिया दिनुहोस !
