देउवाका निर्णय उल्टाउँछौँ : ओली
पोखरा : एमालेका अध्यक्ष केपी शर्मा ओली देश कंगाल बनाउने निर्णय आगामी सरकारले उल्टाउँने चेतावनी दिएका छन् ।
सामुदायिक रेडियो प्रसारक संघको १३ औं वार्षिक साधारणसभाको उद्घाटन गर्न पोखरा आइपुगेका ओलीले यस्तो बताएका हुन्। साधारणसभा उद्घाटन समारोहमा बोल्दै ओलीले पपुलिस्ट हुने नाममा वर्तमान सरकारले राज्य कोषमा भार पर्ने निर्णय अस्वीकार गर्ने बताए।
भूकम्पपीडितलाई थप एक लाख दिने निर्णयप्रति लक्षित गर्दै उनले वर्तमान सरकारले गरेको एउटा निर्णयले राज्यकोषमा ९० अर्ब बोझ परेको भन्दै यस्तो दुरगामी असर पर्ने निर्णय गर्ने नैतिक आधार वर्तमान सरकारसँग नभएको बताए।
वाम गठबन्धनको सरकार बन्ने निस्चित भएका बेला सरकारले बाधा अड्काउ फुकाउने काम मात्र गर्न सक्ने भन्दै ओलीले जनमतको कदर गर्न आग्रह गरे।
प्रतिक्रिया दिनुहोस !
