पोखरा: इटहरी गोल्डकपमा मनाङ मर्स्याङ्दीसँग क्वार्टर फाइनलमा हार्दै बाहिरिएको मोफसलको बलियो टिम झापा-११ पोखरामा जारी १६ औँ आहा रारा गोल्डकपमा पनि त्यस्तै नियति भोगेको छ।
राजधानीका क्लबलाई कडा टक्कर दिँदै आएको झापा ११ पोखरामा जारी आहा रारा गोल्डकपको पहिलो चरणको खेलमा नेपाल पुलिससँग १-० ले पराजित हुँदै घर फर्केको हो ।
झापालाई घरको बाटो देखाउने क्रममा पुलिसका लागि सुमन लामाले खेलको १२ औँ मिनेटमा निर्णायक गोल गरेका हुन् । इटहरी गोल्डकपको क्वार्टर फाइलन भिडन्तमा झापा मनाङ मर्स्याङ्दीसँग ४-३ ले पराजित भएपछि आहा रारा गोल्डकप खेल्न पोखरा पुगेको थियो ।
शनिबार हुने पहिलो क्वार्टर फाइनल खेलमा उत्तर बरिधरा बंगलादेशले सुदूरपश्चिम ११ सँग भिड्नेछ । आइतवार हुने अर्को क्वार्टफाइनल खेलमा पुलिसले मनाङ मर्स्याङ्दीसँग भिड्नेछ ।
प्रतिक्रिया दिनुहोस !
