काठमाडौं : इण्डियन प्रिमियर लिग (आईपीएल)मा छनोट भएपछि खुशी हुँदै नेपाली युवा क्रिकेटर सन्दीप लामिछानेले आफ्नो यात्रा अब सुरु हुने उद्घोष गरेका छन्। आईपीएलको अक्सनमा परेका सन्दीपलाई आइतबार दिल्ली डेयरडेभिल्सले २० लाखमा किनेपछि खुशी हुँदै उनले यस्तो बताएका हुन्। सन्दीप आईपीएलमा छनोट हुने पहिलो नेपाली क्रिकेटर बनेका छन्। यही खुशीमा उनले अब आफ्नो यात्रा सुरु हुने बताएका हुन्।
आईपीएलको यो सिजनमा दिल्ली डेयरडेभिल्सले आफूलाई छनोट गरेपछि खुशी हुँदै सन्दीपले ट्विटरमा भनेका छन्, ‘यात्रा अब सुरु हुन्छ।’
याे पनि पढ्नुहाेस् :
सन्दीप लामिछानेले आईपीएल खेल्ने, दिल्लीले २० लाखमा किन्यो
दिल्लीले सन्दीपलाई किन्दा माइकल क्लार्क रमाए
सन्दीपका कप्तान गौतम गम्भीर, प्रशिक्षक रिकी पोन्टिङ
यस्तो छ सन्दीपको खेल यात्रा
सन्दीपले आफूलाई सहयोग गर्ने सबैलाई धन्यवाद समेत दिएका छन्। ‘आईपीएलको यो सिजनमा दिल्ली डेयरडेभिल्सले खेलाडीको रुपमा घोषित गरेकोमा धेरै खुशी छु’, सन्दीपले ट्विटरमा भनेका छन्, ‘जसले मेरालागि प्रार्थना गर्नु भएको छ, म उहाँहरु सबैलाई हृदयदेखि धन्यवाद दिन चाहन्छु। यात्रा अब सुरु हुन्छ।’
Very happy to be announced as the player of @DelhiDaredevils for this season of @IPL ! Special thanks to all those people who kept me in their prayers with holding their nerves ! Journey begins now !!
प्रतिक्रिया दिनुहोस !
