काठमाडौं : महानगरीय प्रहरी प्रभाग नागढुंगाले लागूऔषधसहित सोमबार दुईजनालाई पक्राउ गरेको छ । उदयपुरबाट काठमाडौं आउँदै गरेको ना ६ ख ७१०० नम्बरको बस जाँच गर्दा १९६ एम्पुल डाइजेपाम, १९७ एम्पुल बुफ्रिनर्फी र २०० एम्पुल नाइट्रोपामसहित सप्तरीका कृष्ण दासलाई पक्राउ गरेको हो ।
त्यस्तै नेपालगञ्जबाट काठमाडौँ आउँदै गरेको ना ५ ख ८९३८ नम्बरको बसमा सवार नरबहादुर बुढाका साथबाट नाइट्रोजापाम ९०० ट्याबलेट बरामद गरिएको केन्द्रीय प्रहरी समाचार कक्षले जनाएको छ । रासस
प्रतिक्रिया दिनुहोस !
