एपीएफ अपराजित
काठमाडौं : एपीएफले न्यु डायमन्ड एकेडेमीलाई १३औं रेडबुल ढोरपाटन यूएम महिला डबल लिग भलिबल प्रतियोगितामा पराजित गरेको छ । अन्तिम सेटसम्म धकेलिएको खेलमा विभागीय टोली एपीएफ क्लबसँग न्यु डायमन्ड ३-२ को सेटमा पराजित भयो । नयाँ बसपार्कस्थित ढोरपाटन क्लबको खेल मैदानमा सोमबार भएको खेलमा पहिलो सेट २५-२० ले हारेको न्यु डायमन्डले दोस्रो सेटमा भने उत्कृष्ट पुनरामगन गर्दै २५-१३ ले जितेको थियो ।
तेस्रो सेट २५-२२ ले गुमाएको न्यु डायमन्डले चौथो सेट २५-२३ ले आफ्नो पक्षमा पार्यो । अन्तिम सेट एपीएफले १५-१२ ले जित्यो । एपीएफले अपराजित यात्रालाई निरन्तरता पनि दिएको छ ।
अर्को खेलमा टप्स उच्च माविले दोहोरो जित निकालेको छ । टप्सले पहिलो खेलमा थ्रीस्टार क्लबलाई २५-३, २५-१०, २५-३ को सोझो सेटमा हरायो । अर्को खेलमा टप्सले स्प्रिङडेललाई २५-११, २५-६, २५-७ को सेटमा हरायो । पूर्वाञ्चल क्षेत्रीय भलिबल टिमले पनि दोहोरो जित निकाल्यो । पूर्वाञ्चलले स्प्रिङडेललाई २५-२१, २५-६, २५-२२ को सेटमा हरायो ।
अर्को खेलमा पूर्वाञ्चलले पारामाउन्ट हाइस्कुललाई ३-० को सेटमा हरायो । प्रतियोगितामा एपीफफ क्लबको १० खेलबाट २९ अंक जोडेको छ । शीर्ष स्थानमा रहेको शिवम् न्यु डायमन्डले ११ खेलबाट ३१ अंक बनाएको छ । नेपाल पुलिस क्लब ११ खेलबाट २७ अंक जोड्दै तेस्रो स्थानमा छ । चौथो स्थानमा रहेका पश्चिमाञ्चलले ११ खेलबाट २४ अंक बनाएको छ ।
प्रतिक्रिया दिनुहोस !
