काठमाडौः नेपाली सेनाको प्रशिक्षणका क्रममा ग्रिनेड विस्फोट हुँदा कम्तिमा पाँचजना घाइते भएका छन् । जसमा एकजनाको अवस्था गम्भीर रहेको छ । महाराजगञ्जस्थित भैरवनाथ गणमा तालिमका क्रममा प्लास्टिक ग्रिनेड विस्फोट हुँदा पाँचजना सैनिक घाइते भएका हुन् ।
यो घटना प्रशिक्षकले सैनिकहरुलाई तालिम दिने क्रममा ग्रिनेडको पिन थुतेर फाल्ने क्रममा भएको नेपाली सेनाका प्रवक्ता गोकुल भण्डारीले बताएका छन् । घाइतेहरुमध्ये चारजनाको अहिले वीरेन्द्र सैनिक अस्पताल छाउनीमा उपचार भइरहेको छ । गम्भीर घाइते भएका एक सैनिकको भने त्रिवि शिक्षण अस्पताल महाराजगञ्जमा उपचार भइरहेको छ। सैनिक स्रोतले घाइतेहरुको नाम र थप विवरण भने खुलाइसकेको छैन ।
प्रतिक्रिया दिनुहोस !
