रुकुम : रुकुम पश्चिममा सुत्केरी हुन अस्पताल आएकी आमा र बच्चाको बिहीबार राति मृत्यु भएको छ । चौरजहारी नगरपालिका–१२ की २८ वर्षीया सुशीला विष्ट र उनको बच्चाको चौरजहारी अस्पतालमा मृत्यु भएको हो ।
घरमा अत्यधिक रक्तस्राव भएपछि विष्टलाई आफन्तले बिहीबार अस्पताल पुर्याएका थिए । पाँचौं पटक गर्भवती भएकी विष्टको बच्चाले गर्भमा नै दिशा गरेपछि मृत्यु भएको चौरजहारी अस्पतालका डा. सुमन राईले जानकारी दिए ।
विष्टको शरीरमा रगतको अभाव भएको र वान्ता गरिरहेका कारण उपचारमा समस्या आएको डा. राईले बताए । शल्यक्रियाको तयारी गरिरहेकै बेला विष्टको मृत्यु भएको डा राईको भनाइ छ । रासस
प्रतिक्रिया दिनुहोस !
