बुटवलः प्रदेश नम्बर ५ को संसद बैठक बुटवलमा सुरु भएको छ । दिउँसो १ बजेदेखि सुरु भएको संसद बैठकमा अहिले सांसदहरुले बोल्ने क्रम जारी छ ।
प्रदेश सभाको बैठक बुटवल उद्योग वाणिज्य संघको हलमा सुरु भएको हो । रुपन्देहीका जेष्ठ सदस्य ७९ वर्षीय बलदेव शर्मा पोखरेलले पहिलो बैठकमा सभामुखको भूमिका निर्वाह गरेका छन् ।
प्रदेश ५ को बैठकको सुरुमा सभामुख पोखरेलले प्रदेशसभा आह्वान सम्बन्धी प्रदेश प्रमुख उमाकान्त झाको पत्र पढेर सुनाएका छन् ।
यो बैठकमा ६ वटा दल एमाले, कांग्रेस, माओवादी केन्द्र, संघीय समाजवादी फोरम, राजपा र राष्ट्रिय जनमोर्चाका एक एक सदस्यले सम्बोधन गर्दैछन् । एमालेका सांसद शंकर पोखरेलले सम्बोधन गरिसकेका छन् ।
यो बैठकमा अन्तरिम प्रदेशसभा सञ्चालन कार्यविधि पास गर्ने कार्यसूची छ । माघ २८ गतेका लागि सभामुखको निर्वाचन तोक्ने कार्यसूची पनि छ ।
प्रतिक्रिया दिनुहोस !
