प्रदेश नम्बर १ को संसद बैठक विराटनगरमा सुरु
विराटनगर: प्रदेश नम्बर १ को संसद बैठक बिराटनगरमा केही बेरअघि सुरु भएको छ । निर्धारित समय भन्दा २० मिनेट ढिलो गरेर सुरु भएको प्रदेश संसद बैठकको अध्यक्षता ज्येष्ठ सदस्य ओमप्रकाश सरवागीले गरेका छन् । सरवागी कांग्रेसबाट समानुपातिकतर्फ प्रदेश सांसद बनेका हुन् ।
विराटनगरस्थित जिल्ला समन्वय समितिको भवनमा बसेको यो बैठकको सुरुमा प्रदेश प्रमुख गोविन्द सुब्बाले संसद बैठक सुरु गर्न पठाएको पत्र सरवागीले पढेर सुनाएका थिए ।
प्रदेश १ मा ९३ जना सांसद रहेका छन् । प्रदेश सभामा एमालेबाट ५१, कांग्रेस २१, माओवादी केन्द्र १६, संघीय समाजवादी फोरम ३, राप्रपा र संघीय लोकतान्त्रिक राष्ट्रिय मञ्चबाट १–१जना सांसद छन् ।
प्रतिक्रिया दिनुहोस !
