काठमाडौँः राष्ट्रिय सभाको ५६ सदस्यका लागि बुधबार देशका सातै प्रदेशमा मतदान भइरहेको छ । मतदानमा स्थानीय तहका जनप्रतिनिधि, प्रदेश सभा र प्रतिनिधि सभाका सांसदहरुले मतदान गरिरहेका छन् ।
प्रदेश नं ७ का लागि डोटीमा राष्ट्रियसभा निर्वाचन भइरहेको छ । डोटीस्थित मुख्य निर्वाचन कार्यालयले बिहानदेखि राष्ट्रियसभा सदस्यका लागि निर्वाचनमा मतदान भइरहेको जनाएको छ ।
यहाँका सबै जिल्लाबाट मतदान गर्ने प्रदेशसभा सदस्य र गाउँपालिका अध्यक्ष र उपाध्यक्ष एवं नगरप्रमुख र उपप्रमुख मतदानस्थल पुगेका छन् । उनीहरु लामबद्ध भएर मतदान गरिरहेका छन् ।
राष्ट्रियसभा सदस्य निर्वाचनअन्तर्गत प्रदेश नं ४ को पोखरामा मतदान सकिएको छ । अहिलेसम्म प्रदेश ३, ४ र ५ मा मतदान सकएिको छ । बिहान १० बजे शुरु भएको मतदान दिउँसो ३ बजेसम्म चल्ने निर्वाचन आयोगका प्रवक्ता नवराज ढकालले जानकारी दिएका छन् ।
एक नम्बर प्रदेशका विराटनगरमा मतदान जारी छ भने प्रदेश २ मा सबै आठैजना सदस्य निर्विरोध भइसकेका छन् । यो पटक प्रदेश ४ मा सांसमा विजयी दीपक मनाङ्गेसहित केही मतदाता मतदान गर्न आएनन् । प्रदेश ५ मा राजपाकी सांसद बिना पन्त, फोरमबाट गाउँपालिका अध्यक्ष जितेका बाँके नरैनापुरका इस्तियाक अहमद साह मतदान गर्नै आएनन् ।
प्रतिक्रिया दिनुहोस !
