प्रदेश ३ को मुख्यमन्त्री छान्दै एमाले, शाक्य नै निर्विकल्प: नेपाल
काठमाडौं: नेकपा एमालेले माघ २६ गते प्रदेश ३ को मुख्यमन्त्री चयन गर्ने भएको छ । प्रदेश नम्बर ३ को एमालेको संसदीय दलको बैठक बसेर मुख्यमन्त्री चयन गर्ने भएको हो ।
एमाले पोलिटब्यूरो सदस्य अरुण नेपालले माघ २६ गते विहान ८ तुलसीलाल स्मृति प्रतिष्ठान बालकुमारीमा संसदीय दलको बैठक बसेर दलको नेता चयन गर्ने बताए । प्रदेश ३ मा एमालेको स्पष्ट बहुमत रहेका कारण संसदीय दलको नेता बन्ने ब्यक्ति नै मुख्यमन्त्री हुनेछ ।
पढ्नुस्: प्रदेश ३ को मुख्यमन्त्रीमा अष्टलक्ष्मीलाई राजेन्द्रको चुनौती
प्रदेश ३ मा पार्टी उपाध्यक्ष अष्टलक्ष्मी शाक्य र पोलिब्यूरो सदस्य राजेन्द्रप्रसाद पाण्डे बीच संसदीय दलको नेताका लागि प्रतिस्पर्धा हुने देखिएको छ । अरुण नेपाल, पशुपति चौलागाई, केशव स्थापित, सानुकुमार श्रेष्ठले समेत मुख्यमन्त्रीमा दाबी गरेका छन् । प्रदेश ३ मा कुल ११० मध्ये एमाले मात्रै ५८ सिट जितेको छ ।
प्रदेशका सचिवालय सदस्य समेत रहेको नेपालले कार्तिकमा सचिवालयको बैठक बसेर वरिष्ठता, महिला र नेवार समुदायको समेत भएका कारण शाक्यलाई मुख्यमन्त्री बनाउने सहमति भएको दाबी गरे ।
‘कात्तिककमै हामीले शाक्यलाई मुख्यमन्त्री बनाउने निर्णय गरेर केन्द्रीय समितिमा सिफारिस गरेका हौं’, उनले भने, ‘यो सिफारिसमा अष्टलक्ष्मी शाक्य, सानुकुमार श्रेष्ठ, म, काशीनाथ अधिकारी र केदार न्यौपानेको सही छ । ’
पढ्नुस्: मुख्यमन्त्री बन्न नेताहरुको दौडधुप
उनले राजनैतिक इमान्दारिता र नैतिक दायित्वका कारण आफुले शाक्यविरुद्ध उम्मेदवारी नदिने बताए ।‘सही गर्ने साथीहरुले पनि नैतिक दायित्व र राजनीतिक इमान्दारिता देखाउनु हुन्छ भन्ने मलाई लाग्छ ', उनले भने । शाक्यले उम्मेदवारी नदिएमात्र आफुले उम्मेदावरी दिने नेपालले बताए । ‘उहाँको दाबी रहेसम्म मेरो समर्थन शाक्यलाई हुन्छ’, उनले भने ।
उता अर्का उम्मेदवार पाण्डे भने आफु मुख्यमन्त्री भए छाड्ने बताउँछन् । पाण्डे योग्य र सिनियर पनि आफु नै भएको दाबी गर्छन् । माधव नेपाल समुहबाट उपाध्यक्ष उठेर पराजित पाण्डे अहिले केपी ओली क्याम्पमा पुगेका छन् । शाक्य नेपाल समुहबाट चुनाव जितेर पार्टी उपाध्यक्ष भएकी हुन् ।
पढ्नुस्: यसरी मिल्यो वाम गठबन्धनको भागबन्डा