प्रदेश १: एमाले संसदीय दलको नेतामा आचार्य र राईको उम्मेदवारी
बिराटनगर: प्रदेश नम्बर १ को भावी मुख्यमन्त्रीका लागि अहिले नेकपा एमाले संसदीय दलको निर्वाचन हुँदैछ । विराटनगरमा हुन लागेको निर्वाचनमा संसदीय दलको नेताका लागि पार्टी सचिव तथा एक नम्बर प्रदेश संयोजक भीम आचार्य र पोलिटब्युरो सदस्य तथा प्रदेश सह-संयोजक शेरधन राईले उम्मेदवारी दिएका छन् ।
यसअघि संसदीय दलको नेतामा दाबी गर्दै आएका नेता जीवन घिमिरेले उम्मेदवारी फिर्ता लिएपछि दुई नेताबीच भिडन्त हुने भएको हो ।
संसदीय दलको नेताका लागि शेरधन राईको उम्मेदवारीमा प्रस्तावक/समर्थकमा सुनसरीका जगदीश कुसियत र झापाका हिक्मत कार्की रहेका छन् ।