लेस्टरको पोस्टमा अग्वेरोको चार गोल, सिटीको रवाफिलो जित

लेस्टरको पोस्टमा अग्वेरोको चार गोल, सिटीको रवाफिलो जित

काठमाडौँः यो सिजन उत्कृष्ट खेलिरहेको म्यानचेस्टर सिटी र उसका स्ट्राइकर सर्जियो अग्वेरोले गएराति लेस्टरमाथि रवाफिलो जित दर्ता गरे । अग्वेरो एक्लैले ह्याट्रिकसहित चार गोल गरेको सिटीले इङ्लिस प्रिमियर लिगको पूर्वविजेता लेस्टर सिटीमाथि ५–१ को जित दर्ता गरायो ।

घरेलु मैदानमा ५४ हजार दर्शमाझ लेस्टरलाई सजिलै पराजित गर्ने क्रममा सिटीका लागि पहिलो गोल भने केभिने डे ब्रुनेको पासमा राहिम स्टर्लिङले खेलको तेस्रो मिनेटमै गरे ।

तर सिटीले यो अग्रतालाई जोगाइराख्न सकेन । सिटीका डिफेन्डरका कम्जोरीको फाइदा उठाउँदै जेम्मी भर्डेले खेलको २४ औँ मिनेटमा बराबरी गोल फर्काए ।

पहिलो हाफ १–१ को बराबरीमा सकिएको अवस्थामा सिटीले दोस्रो हाफमा लेस्टरमाथि रवाफ देखायो । उसका लागि सर्जियो अग्वेरोले दोस्रो हाफको सुरुमै अर्थात् ४८ औँ मिनेटमा गोल गर्दै अग्रता २–१ मा पु¥याए ।

अग्वेरो त्यतिमै रोकिने मुडमा थिएनन् । उनले खेलको ५३ औँ र ७७ मिनेटमा गोल गर्दै ह्याट्रिक पुरा गरे । त्यसपछि खेलको ९० औँ मिनेटमा युवा खेलाडी फिल फोडेनले डि बक्स बाहिर मिलाइदिएको बललाई अग्वेरोले सीधै जालीको दिशा दिए ।

यो जितपछि सिटी २७ खेलबाट ७२ अंकसहित लिगको पहिलो स्थानमा छ । उसलाई पछ्याइरहेको म्यानचेस्टर युनाइटेडले २६ खेलबाट ५६ अंक जोडेको छ । यस्तोमा युनाइटेड सिटी भन्दा १६ अंकले पछि छ । तेस्रोमा २७ खेलबाट ५२ अंकसहित टोटनह्याम हट्स्पर रहेको छ ।


प्रतिक्रिया दिनुहोस !

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.