हेटौँडा : प्रदेश नं ३ का मुख्यमन्त्रीमा प्रदेशसभा सदस्य डोरमणि पौडेललाई नियुक्त गरियोस् भन्ने प्रस्ताव ३ नं प्रदेश कार्यालय, बसपार्क, हेटौँडामा दर्ता भएको छ । एमाले रामेश्वर फुयाँल (काठमाडौँ) प्रस्तावक र नेकपा (माओवादी) केन्द्र संसदीय दलका नेता शालिकराम जम्मकटेल (धादिङ)को समर्थनमा त्यससम्बन्धी पत्र प्रदेश कार्यालयका सचिव चतुर्भुज ज्ञवालीसमक्ष प्रस्तुत गरिएको छ ।
तत्कालीन हेटौँडा नगरपालिकामा दुई पटक प्रमुख चलाउनुभएका पौडेल शुक्रबार एमाले ३ नं प्रदेश संसदीय दलमा निर्वाचित भएका थिए । उनी नेपाल नगरपालिका संघका अध्यक्ष पनि हुन् ।
प्रतिक्रिया दिनुहोस !
