काठमाडौँः आईसीसी विश्व क्रिकेट लिग डिभिजन दुई अन्तरगत आफ्नो तेस्रो खेलमा नेपालले संयुक्त अरब इमिरेट्सबाट ११५ रनको चुनौती पाएको छ ।
बर्षातका कारण ३४ ओभरमा छोट्याइएको खेलमा टस जितेर नेपालले फिल्डिङ रोज्ने निर्णय गरेपछि व्याटिङको निम्तो पाएको संयुक्त अरब इमिरेट्स ३१ ओभरमै अलआउट हुँदै ११४ रनमा समेटिएको हो ।
पढ्नुस्: संयुक्त अरबविरुद्ध चम्किए सन्दीप, झारे तीन विकेट
नेपालको कसिलो बलिङ सामू निरिह बनेको संयुक्त अरबका लागि शाहीमान अनवरले सर्वाधिक ३० रन बनाए । त्यसैगरी मोहम्मद बुटाले १८ रन जोडे भने गुलाम सहबीरले १६ रनको योगदान दिए ।
नेपालका लागि सोमपाल कामीले ७ ओभर बलिङ गरेर ३० रन खर्चिँदै ४ विकेट लिए । त्यसैगरी अर्का बलर सन्दीप लामिछानेले पनि ७ ओभर बलिङ गर्दै ३० रन दिएर ३ विकेट लिए । कप्तान पारस खड्काले ७ ओभर बलिङ गर्दै २० रन दिएर २ विकेट लिए । नेपालका लागि करण केसीले पनि एक विकेट लिन सफल भए ।
पढ्नुस्: नेपाललाई ब्याटिङकै चिन्ता
प्रतिक्रिया दिनुहोस !
