लगातार बराबरीमा रोकिँदा दवावमा बार्सिलोना
काठमाडौं : स्पेनिस ला लिगामा यस सिजनको सुरुदेखि नै उत्कृष्ट प्रदर्शन गरी अपराजित रहँदै आएको बार्सिलोना आइतबारको खेलमा बराबरीमा रोकिएको छ । यसअघिको खेलमा पनि स्पानिओलसँग १-१ को बराबरी खेलेको बार्सिलोना आइतबार गेटाफेसँग गोलरहित बराबरीमा रोकिएको हो ।
बार्सिलोनाको घरेलु मैदान क्याम्प नाउ मा भएको खेलमा दुवै टालीले कुनै गोल गर्न सकेनन् । बराबरीपछि पनि २३ खेलबाट ५९ अंकसहित शीर्ष स्थानमा कायम रहेको बार्सिलोनालाई उपाधि होडका लागि दबाब बढेको छ । २३ खेलमा १८ मा जित र ५ मा बराबरी खेलेको बार्सिलोनाले ला लिगाको यस सिजनमा हालसम्म हार भने व्यहोरेको छैन ।
दोस्रो स्थानमा रहेको यथ्लेटिको मड्रिडभन्दा ७ अंकले मात्रै अगाडी रहेको छ । यथ्लेटिको मड्रिडले २३ खेलबाछ ५२ अंक बनाएको छ ।
प्रतिक्रिया दिनुहोस !
