पाथीभरा म्याराथनको उपाधि कुलुङलाई

ताप्लेजुङ : हिमालयन गाइड्स पाथीभरा म्याराथन २०७४ को उपाधि सेलुखुम्बुका सुमन कुलुङले जितेका छन्।फुङलिङ बजारदेखि पाथीभरा मन्दिरसम्मको ४७ किलोमिटर दूरी उनले ४ घण्टा १९ मिनेट ५० सेकेण्डमा पार गरे।

नेपाली सेनाका वेदबहादुर सुनुवार र तीर्थबहादुर तामाङ क्रमशः द्धितिय र तृतिय भए। सुनुवारले ४ घण्टा २१ मिनेट ५८ सेकेण्ड र तामाङले ४ घण्टा २७ मिनेट ४४ सेकेण्डमा निर्धारित दूरी पार गरे। सुनुवार अघिल्लो पटकका विजेता पनि हुन्।

१ हजार ८ सय ४० मिटर उचाईको सदरमुकाम फुङलिङ देखि ३ हजार ७ सय ९४ मिटर उचाईको पाथीभरा मन्दिरसम्म म्याराथनको रुट रहेको थियो।यसैबीच महिला हाफ म्यारथनमा भने नेपाल आर्मीकी चन्द्रा रावत प्रथम भइन्। रावतले फुङलिङ बजार देखि पाचीभरा क्षेत्रको भालुगौंगेसम्मको २३ किलोमिटर दूरी ३ घण्टा ३५ मिनेट ५८ सेकेण्डमा पार गरिन्।

सोलुखुम्बुकी पुर्णीमाया राई ३ घण्टा ४६ मिनेट ४० सेकेण्डमा दौड पूरा गर्दै द्वितिय भइन्। आर्मीकै रेजिना भण्डारी र राममाया बुढा क्रमशः तृतिय र सान्त्वना भए। भण्डारीले ३ घण्टा ५० मिनेट ४२ सेकेण्ड र बुढाले ३ घण्टा ५० मिनेट ४३ सेकेण्डमा निर्धारित दूरी पार गरे। यो वर्ष खुलातर्फको उपाधि बिजेतालाइ १ लाख ५१ हजार द्वितियलाई १ लाख ११ हजार, तृतियलाई ५१ हजार पुरस्कार दिइने छ।

महिला हाफतर्फ उपाधि बिजेताले ८१ हजार उप–विजताले ५१ हजार र तृतीयले ३१ हजार पुरस्कार प्राप्त गर्नेछन।सबैलाइ थप १ सय ११ रुपैंया रहेको छ। १० औं स्थानसम्म हुनेलाइ पाँच हजार नगद सहित सम्मान गरिने छ।म्याराथनतर्फ पुरस्कारसहित सम्पूर्ण खर्चको प्रायोजन हिमालयन गाइड्सका प्रबन्धक इश्वरी पौडेलले गरेका छन्।