सत्तारोहणका लागि ओलीको दुई महिने व्यग्रता

काठमाडौं: मंसिर १० र २१ गते प्रतिनिधि सभा र प्रदेश सभाको निर्वाचन सम्पन्न भयो । एकहप्ता भित्र मतगणनाको सबै परिणाम आयो । एमाले र माओवादी केन्द्र मिलेर बनेको वाम गठबन्धनको पक्षमा झण्डै दुई तिहाई सिट सहित बहुमत प्राप्त भयो । प्रत्यक्षतर्फ १६५ सिट मध्ये एमालेले ८० र माओवादीले ३६ सिटमा बिजय हासिल गरे । सत्तारुढ दल नेपाली कांग्रेस प्रत्यक्षतर्फ २३ सिटमा सीमित भयो ।

स्थानीय तह, प्रदेश र प्रतिनिधि सभा तीन वटै तहको निर्वाचन सम्पन्न गर्न सफल प्रधानमन्त्री शेरबहादुर देउवाले निर्वाचनमा पराजित भए पनि सत्ता मोह छोड्न सकेनन् । आफैँले गरेको निर्वाचनमा पराजित भएका देउवाले सुरुवातमा राष्ट्रिय सभासम्बन्धी अध्यादेश पारित नभएसम्म सरकार नछोड्ने अड्डी लिए ।

जब अध्यादेश पारित भयो त्यसपछि प्रतिनिधि सभाको समानुपातिकको नतिजाको विषयमा देउवा सरकारलाई निर्वाचन आयोगले साथ दियो । आयोगले राष्ट्रिय सभाको निर्वाचन नभएसम्म परिणाम प्रतिनिधि सभाको समानुपातिक नतिजा दिन नसक्ने उत्तर दिएपछि देउवाको सत्ता यात्रा काम चलाउन भएर पनि लम्बियो ।

अन्तिम समय आउँदासम्म पनि देउवाले राजीनामा दिएनन् । निर्वाचन आयोगले समानुपातिकको नतिजा समेत सार्वजनिक गरेपछि एमाले र माओवादीले बहुमतसहित सरकार निर्माणको लागि राष्ट्रपति समक्ष दाबी पेस गरे ।

वामगठबन्धनले राष्ट्रपति समक्ष सरकारको दाबी पेश गरेपछि बाध्य भएर देउवा बिहीबार मात्र राजीनामा दिए । देउवाको राजीनामा लगत्तै ओलीको नेतृत्वमा नयाँ सरकार बनेको छ । देउवाको बर्हिगमन सकसपूण ढंगबाट भएको छ ।

सत्तालाई जतिसक्दो लम्ब्याउनेका लागिरहे । दुईतिहाईको हाराहारीमा चुनाव जितेको वामगठबन्धनको नेतृत्व गरेका एमाले अध्यक्ष केपी शर्मा ओलीलाई प्रधानमन्त्री बन्न परिणाम आएको दुई महिना बढी कुर्नु पर्‍यो ।

ओलीका चुनौती

एमाले अध्यक्ष ओली दोस्रो पटक प्रधानमन्त्री भएका छन् । वाम गठबन्धन एक घटक माओवादीले बार्गेनिङ गरेर पहिलो मन्त्रिपरिषदमा सहभागी भएको छैन । स्थायी सरकार तथा विकास र समृद्धिको नाराका चुनाव जितेर प्रधानमन्त्री बनेका ओलीसामू धेरै चुनौती छन् । ओलीप्रति जनताको ठुलो विश्वास छ । जनताको सपना र विश्वासलाई पुरा गर्न त्यति सजिलो छैन ।

संघीय व्यवस्था अगाडि बढाउने पर्ने ठूलो चुनौती ओली समक्ष छ । माओवादीसँग एकता र तालमेललाई अगाडि बढाउनले धेरै चुनातीको समाना गर्नु पर्नेछ ।