बसपार्क छेउमै वद्ध मृत फेला
भोजपुर : भोजपुर नगरपालिका ७ शनिबारे हटियालाईनमा रहेको बसपार्क छेउमै शुक्रबार बिहान एक वृद्ध मृत फेला परेका छन्। बसपार्क छेउमै विगत केही वर्षदेखि जडिबुटी, बोटबिरुवाको नर्सरी गर्दै आएका अरुण गाउँपालिका- २ चम्पे निवासी ६१ वर्षीय शंकरकुमार राई घरनजिकै ५ फिटको खाल्डोमा शुक्रबार बिहान करिब साढे १० बजेतिर मृत भेटिएका थिए।
मृतक भेटिएका राईको शवलाई कानुनी प्रक्रिया पुरा गरी पोष्टमार्टमका लागि जिल्ला अस्पताल पठाइएको र पोष्टमार्टमपछि उनको शव आफन्तलाई जिम्मा लगाइने जिल्ला प्रहरी कार्यालय भोजपुरले जनाएको छ।
प्रतिक्रिया दिनुहोस !
